ئەمە کام شاری ڕەنگینە کە وێنەی کوڵمی بۆکانە
بە مانا بووکی شارانە بە ڕاسی شاری بۆکانە
دەوایە سورمەیە بۆ چاوەکانم خاکی کوردستان
دڵم هەر وا لەوێ هەر چەند لەشم تاراوی تارانە
دڵم هەر وا لەوێ هەر چەند لەشم تاراوی تارانە

لە پایەندازی بۆکاندا ئەوەی کەم دێ سەر و ماڵە
کە بۆ سەرگەردی بۆکانی ئەوەی زۆرە دڵ و گیانە
بەیانی کیژی بۆکانی کە دێ و دەڕوا لە بۆ کانی
بریقەی گوڵبەرۆکانی لە چاوی خۆر ئەدا تانە
بریقەی گوڵبەرۆکانی لە چاوی خۆر ئەدا تانە

شەماڵ ماچ کە بە جێی من باغی میراوا و قڵای سەردار
کە ئەم جێ بەزمی میرموکری ئەویش ڕاوگەی عەزیزانە
ئەگەر گیانیش فیدا کەم دڵ لە بۆکان ناکەنم گیانا
کە دڵ کەندن لەوێ سەختە بەڵام گیان کەندن ئاسانە
کە دڵ کەندن لەوێ سەختە بەڵام گیان کەندن ئاسانە

گەلێ هونەر وەکوو سوارە و ئەدەب لەو خاکە هەڵکەوتن
کە ئێستاش چاوی دایکی نیشتمان بۆیان بە گریانە
لە ناڵەشکێنە دەنگی زیر و بەم گوێی دڵ ئەلاوێنێ
چریکەی زیرەکە یا خۆ زریکەی مورغی خۆشخوانە
چریکەی زیرەکە یا خۆ زریکەی مورغی خۆشخوانە

Eme kam şarî rengîne ke wêney kulmî Bokane
Be mana bûkî şarane be rasî şarî Bokane
Dewaye surmeye bo çawekanim xakî Kurdistan
Dilim her wa lewê her çend leşim tarawî tarane
Dilim her wa lewê her çend leşim tarawî tarane

Le Payendazî Bokanda ewey kem dê ser û male
Ke bo sergerdî bokanî ewey zore dil û giyane
Beyanî kîjî Bokanî ke dê û derwa le bo kanî
Brîqey gulberokanî le çawî xor eda tane
Brîqey gulberokanî le çawî xor eda tane

Şemal maç ke be cêy min baxî Mîrawa û qlay Serdar
Ke em cê bezmî mîrmukrî ewîş rawgey ezîzane
Eger giyanîş fîda kem dil le Bokan nakenim giyana
Ke dil kendin lewê sexte belam giyan kendin asane
Ke dil kendin lewê sexte belam giyan kendin asane

Gelê huner wekû Sware û Edeb lew xake helkewtin
Ke êstaş çawî daykî nîştiman boyan be giryane
Le Naleşkêne dengî zîr û bem gwêy dil elawênê
Çirîkey Zîreke ya xo zrîkey murxî xoşxwane
Çirîkey Zîreke ya xo zrîkey murxî xoşxwane