بوار واران وە بان ئەی دڵ و دەرۊنە
شەو تا وە سوب هەر وە یاد شیرینە
بوار واران بوار واران
بوار واران بوار واران
هەر خوەد زانی چ دەردی ها لە سینە
مەر نیەزانی وەهار وە گوڵەو ڕەنگینە

تۊیژ غەم گرتیە پەردەی پەژارەم
چمان میل کیشاس لە ڕۊی گلارەم
باڵ خەیاڵت وە مەیل جاران
تەڕ بکەن وە شەو لە پرزەی ئیواران

وار واران بوار واران
بوار واران بوار واران
هەر خوەد زانی چ دەردی ها لە سینە
مەر نیەزانی وەهار وە گوڵەو ڕەنگینە

شەماڵ بارەگەم بکە لە داوان
بتۊچن لە ڕۊ کۊەی سەراوان
یاوەر بەورەگەم لە کۊان کەی بەش
بەشە گەورەگەی بەیدن وە سەرکەش

وار واران بوار واران
بوار واران بوار واران
هەر خوەد زانی چ دەردی ها لە سینە
مەر نیەزانی وەهار وە گوڵەو ڕەنگینە

هۆنراوە: سەعید عبادەتیان (بانان)