دەبارێ باران و من به ڕێوەم
بە تەنیا نیم یار بە یادی ئێوەم
بە یادی یاران بە یادی باران
بە یادی سەیرانەکەی ژێر داران
بە یادی بەفر و بە یادی کوێستان
بە یادی کوردستان ئەی کوردستان
ئاخ ئەی کوردستان ئەی کوردستان
دەبارێ باران
ئەگەرچی ژینم وەکوو پاییزە
ئەگەرچی یاران گوڵم لێم زیزە
بەڵام ئەم دڵەم نەگۆڕاوە یار
دڵم لەو عەشقەم نەتۆراوە یار
ئەگەرچی وەرزیش زەردی پاییزە
بولبول لەسەر گوڵ غەمبار و زیزە
بەڵام دڵنیام نەگۆڕاوە یار
پاییزی ژینم دەکاتە بەهار
وەرەوە ئەمجار

Debarê baran û min be rêwem
Be tenya nîm yar be yadî êwem
Be yadî yaran be yadî baran
Be yadî seyranekey jêr daran
Be yadî befr û be yadî kwêstan
Be yadî Kurdistan ey Kurdistan
Ax ey Kurdistan ey Kurdistan
Debarê baran
Egerçî jînim wekû payîze
Egerçî yaran gulim lêm zîze
Belam em dilem negorawe yar
Dilim lew eşqem netorawe yar
Egerçî werzîş zerdî payîze
Bulbul leser gul xembar û zîze
Belam dilniyam negorawe yar
Payîzî jînim dekate behar
Werewe emcar