site loader
site loader
Song image

ئەگەر کوردێک

By - ناسر ڕەزازی Nasir Rezazî

ئەگەر کوردێک قسەی بابی نەزانی
موحەققەق داکی حیزە، بابی زانی
وەرە با بۆت بکەم باسی نیهانی
تەفەننون خۆشە گەر چاکی بزانی
سەلاحەددین و نوورەددینی کوردی
عەزیزانی جزیر و مووش و وانی
موهەلهەل، ئەردەشێر و دەیسەمی شێر
قوباد و باز و میری ئەردەلانی
ئەمانە پاکیان کوردن، نیهایەت
لەبەر بێدەفتەری ون بوون و فانی
کتێب و دەفتەر و تەئریخ و کاغەز
بە کوردی گەر بنووسرایە زوبانی
مەلا و شێخ و میر و پادشامان
هەتا مەحشەر دەما ناو و نیشانی
بە زیددی میر و پاشامان بڕاوە
بەسە با بێینە سەر ڕێی میهرەبانی
کە دەیگوت شێخی من: من دەستگیرم
لەلام وا بوو لەبەر جەهل و جوانی
کە پیر بووم تێ گەیشتم دەستی گرتم
لە کەسب و کار و تەحسیلی مەعانی
بەڵێ شێخ قوتبە ئەمما قوتبی ئاشە
بە ئاو و نیعمەتی خەڵقە گەڕانی
لە بۆ ژن دێ لە کۆڵان وەک سەگی هار
لە ژن هەڵدێ بە میسلی کەر لە خانی
بڵێ بەو سەرکزۆڵەی کوزپەرستە
بە چاوی کلدراو و ڕیشی پانی
کە نەفعێکت نەبێ بۆ دین و دەوڵەت
بە من چی نەقشبەندی یا نە مانی
کەسێ پیاوە کە دانێ وەک حەماغا
لە بۆ ئەبنایی جینسی نان و خوانی
وە یاخود وەک ئەمین ئاغا بە هیممەت
بکا بۆ قەسری میللەت پاسەبانی
بڵێ لەم بەحسە هەر کەس مونکیری تۆن
بفەرموو سەهلە ڕێگەی ئیمتیحانی
بە ئوممێدی دووسێ دانایە حاجی
بە هەرزانی دەدا دوڕڕی گرانی
Eger Kurdêk qisey babî nezanî
Muheqeq dakî hîze, babî zanî
Were ba bot bikem basî nîhanî
Tefenun xoşe ger çakî bizanî
Selahedîn û Nûredînî Kurdî
ezîzanî Cizîr û Mûş û Wanî
Muhelhel, Erdeşêr û Deysemî şêr
Qubad û Baz û mîrî Erdelanî
Emane pakyan Kurdin, nîhayet
Leber bêdefterî win bûn û fanî
Kitêb û defter û terîx û kaxez
Be Kurdî ger bnûsraye zubanî
Mela û şêx û mîr û padişaman
Heta mehşer dema naw û nîşanî
Be zîdî mîr û paşaman birawe
Bese ba bêyne ser rêy mîhrebanî
Ke deygut şêxî min: min destigîrm
Lelam wa bû leber cehil û ciwanî
Ke pîr bûm tê geyiştim destî girtim
Le kesb û kar û tehsîlî me’anî
Belê şêx qutbe ema qutbî aşe
Be aw û nî’metî xelqe geranî
Le bo jin dê le kolan wek segî har
Le jin heldê be mîslî ker le xanî
Bilê bew serkzoley kuzperiste
Be çawî kildiraw û rîşî panî
Ke nef’êkt nebê bo dîn û dewlet
Be min çî neqişbendî ya ne manî
Kesê piyawe ke danê wek Hemaxa
Le bo ebinayî cînsî nan û xwanî
We yaxud wek Emîn axa be hîmmet
Bika bo qesrî mîlet pasebanî
Bilê lem behse her kes munkîrî ton
Bifermû sehle rêgey îmtîhanî
Be umêdî dûsê danaye hacî
Be herzanî deda durî giranî

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .