ئەم ڕۆژی ساڵی تازەیە، نەورۆزە، هاتەوە
جەژنێکی کۆنی کوردە بەخۆشی و بەهاتەوە

وا ڕۆژ هەڵات لە بەندەنی بەرزی وڵاتەوە
خوێنی شەهیدە ڕەنگی شەفەق شەوق هەر ئەداتەوە
ئەم ڕۆژی ساڵی تازەیە، نەورۆزە، هاتەوە
جەژنێکی کۆنی کوردە بەخۆشی و بەهاتەوە

چەند ساڵ گوڵی هیوای ئێمە بێ بەر بوو تاکوو پار
هەر خوێنی لاوەکان بوو گوڵی ئاڵی نەوبەهار
ئەم ڕۆژی ساڵی تازەیە، نەورۆزە، هاتەوە
جەژنێکی کۆنی کوردە بەخۆشی و بەهاتەوە

پێی ناوێ بۆ شەهیدی وەتەن شیوەن و گرین
نامرن ئەوانەی وا لە دڵی میللەتا هەر ئەژین
ئەم ڕۆژی ساڵی تازەیە، نەورۆزە، هاتەوە
جەژنێکی کۆنی کوردە بەخۆشی و بەهاتەوە

Em rojî salî tazeye, newroze, hatewe
Cejnêkî konî kurde bexoşî û behatewe

Wa roj helat le bendenî berzî wilatewe
Xiwênî şehîde rengî şefeq şewq her edatewe
Em rojî salî tazeye, newroze, hatewe
Cejnêkî konî kurde bexoşî û behatewe

Çend sal gulî hîway ême bê ber bû takû par
Her xiwênî lawekan bû gulî alî newbehar
Em rojî salî tazeye, newroze, hatewe
Cejnêkî konî kurde bexoşî û behatewe

Pêy nawê bo şehîdî weten şîwen û girîn
Namirin ewaney wa le dilî mîleta her ejîn
Em rojî salî tazeye, newroze, hatewe
Cejnêkî konî kurde bexoşî û behatewe