ئەم ئێوارەیە پاییزە خێڵ بەرەو گەرمیان ئازیزە
یارەکەم لەو خێڵە دایە ئاگاداری بێ خوایە
ماڵیان لە سیلەی قەڵاتێ یار بچکۆل تازە دەگاتێ
گەورە بێ ماچمان دەداتێ شێتی کردووم دەم نایگاتێ

ئەم ئێوارەیە هاوینە یارەکەم دوو چاوی شینە
ئاگاداری باڵاکەی بێ شێخەکەی ماڵ لە مەدینە
خەڵکینە جەرگم کون کونە خەڵکی سنەم لێ دوژمنە
چوونکە ئەو گوڵە یاری منە شێتی کردووم نازی سنە

ئەم ئێوارەیە بەهارە شار بۆنی گوڵ و گوڵزارە
ئاگاداری باڵاکەی بێ شێخەکەی ماڵ لە بیارە
رۆژێکی دەمەوبەیانی هات بۆ لام بە لەنجەی جوانی
ئەمنیش بەڵێنم پێ داوە ئەمساڵ دەیکەم بە هەورامی