ئەی ئومیدێ دڵێ زارێ بابا
با وەفا یارێ نازارێ بابا
تۆ گوڵێ گوڵزارێ با وەفامی
تۆ ئومیدێ بی شۆمارێ بابا
تۆنی تۆ نەوەی بابا عەزیزم
ت خوەد بڕەخس ئەڕای بابا عەزیزم

لە کەسی وەفا نەییە بابا
گرفتارێ نامەردییە بابا
لە تەمامێ مەردۆمێ زەمانە
یێ زەڕە وەفا نەییە بابا
تۆنی یارێ با وەفا عەزیزم
ت خوەد بڕەخس ئەڕای بابا عەزیزم

ئومیدم یەسە ت با وەفا بید
دۊر لە دەرد و ماتەم و بەڵا بید
دایم سەرخوەش و شادی نەوا بید
دۊر لە دووس و یارێ بی وەفا بید
تۆنی یارێ با وەفا عەزیزم
ت خوەد بڕەخس ئەڕای بابا عەزیزم

خەو خوەشی کردیدە عەزیزم
دونیا لە یاد بردیدە عەزیزم
ت بخەف خەو خوەشی بوینی
ت تەنیا ئەڕای بابا بمینی

Ey omîdê dilê zarê baba
Ba wefa yarê nazarê baba
To gulê gulzarê ba wefamî
To omîdê bî şomarê baba
Tonî to newey baba ezîzim
Ti xwed birexs eray baba ezîzim

Le kesî wefa neyîye baba
Giriftarê namerdîye baba
Le temamê merdomê zemane
Yê zere wefa neyîye baba
Tonî yarê ba wefa ezîzim
Ti xwed birexs eray baba ezîzim

omîdim yese ti ba wefa bîd
Dûr le derd û matem û bela bîd
Dayim serxweş û şadî newa bîd
Dûr le dûs û yarê bî wefa bîd
Tonî yarê ba wefa ezîzim
Ti xwed birexs eray baba ezîzim

Xew xweşî kirdîde ezîzim
Dunya le yad birdîde ezîzim
Ti bixef xew xweşî bwînî
Ti tenya eray baba bimînî