site loader
Song image

ئەرێ هۆ لەیلی

By - حەسەن زیرەک ‌Hesen Zîrek

دیل و ئەسیری من دوو چاوی کاڵم
حەقم بە دەستەیە هەی تا ڕۆژ بناڵم
ئەرێ هۆ لەیلی باوانم لەیلی
ڕۆحمی خێرت بێ جوانێ بۆچ وا بێمەیلی
من بووم بە مەجنوون هاوار تۆش بووی بە لەیلی

ئەسیر و دیلی هەی دوو زولفی خاوم
باوەڕم پێ بکە دەی من بۆ تۆ نەماوم
ئەرێ هۆ لەیلی من بە لەیلت بم
وا پیرت کردم تا کەی من بە مەیلت بم

دیل و باڵ بەستە و زنجیری تۆمە
شەو و ڕۆژ وەی وەی مردم بۆ دوو لیمۆمە
شەو و ڕۆژ فکری هاوار جووتێگ لیمۆمە
ئەرێ هۆ لەیلی باوانم لەیلی
ڕۆحمی خێرت بێ مردم بۆچ وا بێمەیلی

چ خودا بەردارە وەی غەرقم کەی لە غەم
مەیلم بدەیە دەی یان زۆر و یان کەم
ئەرێ هۆ لەیلی باوانم لەیلی
ڕۆحمی خێرت بێ وەی جوانێ بۆچ وا بێمەیلی
من بووم بە مەجنوون مردم تۆش بووی بە لەیلی

ئەسیر و دیلی من دوو چاوی جوانم
ئیجازەم بدەی وەی ئەوشۆ میوانم
ئەر هۆ لەیلی، لەیلی بان یاڵێ
باوەشێنم کەی دەی گەرمە پەلکەی دەسماڵێ
خەتای من نییە چیبکەم دڵ بۆت دەناڵێ

Dîl û esîrî min dû çawî kalim
Heqim be desteye hey ta roj binalim
Erê ho Leylî bawanim Leylî
Rohmî xêrit bê ciwanê boç wa bêmeylî
Min bûm be Mecnûn hawar toş bûy be Leylî

Esîr û dîlî hey dû zulfî xawim
Bawerim pê bike dey min bo to nemawim
Erê ho Leylî min be leyilit bim
Wa pîrit kirdim ta key min be meyilit bim
Dîl û bal beste û zincîrî tome
Şew û roj wey wey mirdim bo dû lîmome
Şew û roj fikrî hawar cûtêg lîmome

Erê ho Leylî bawanim Leylî
Rohmî xêrit bê mirdim boç wa bêmeylî
Çi xuda berdare wey xerqim key le xem
Meyilim bideye dey yan zor û yan kem

Erê ho Leylî bawanim Leylî
Rohmî xêrit bê wey ciwanê boç wa bêmeylî
Min bûm be Mecnûn mirdim toş bûy be Leylî
Esîr û dîlî min dû çawî ciwanim
Îcazem bidey wey ewşo mîwanim
Er ho Leylî, Leylî ban yalê
Baweşênim key dey germe pelkey desmalê
Xetay min nîye çîbkem dil bot denalê

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *