وەکوو ڕۆژ ئەو مەهە لەو دوورە دەرکەوت
لەمێوە ئەشک و ئاهی ئێمە سەر کەوت
کە ئەو لێوە و ددانەم دی، بە جارێ
لە بەر چاوم هەموو لەعل و گوهەر کەوت
وەنەوزێکم شەوێ دا، گەیییە سەرم و
وتی: هەستە، هەتاوت وا لە سەر کەوت
لە کێ یا ڕەب خەبەرپرسی بکەم من
کە هەر کەس بۆ خەبەر چوو، بێ خەبەر کەوت

برۆی ئەو شۆخە ئەمڕۆ تێغی کێشا
نەجاتی دا بە ڕەحمەت هەرچی بەر کەوت
بە تیر ئەمڕۆ دڕی وا هەرچی پێش هات
خودا پێ داوە هەر کەس بەر نەزەر کەوت
وەکوو ڕۆژ ئەو مەهە لەو دوورە دەرکەوت
لەمێوە ئەشک و ئاهی ئێمە سەر کەوت
کە ئەو لێوە و ددانەم دی، بە جارێ
لە بەر چاوم هەموو لەعل و گوهەر کەوت