منیش ئەی بولبولی شەیدا وەکوو تۆم
وەها دوورم لە هێلانە و گوڵی خۆم
منیش وەک تۆ لە کیسم چوو گوڵی سوور
منیش هێلانەکەم لێ کراوە خاپوور
هەتا دوژمن ناگەوزێنم دەخوێنم
دەخوێنم بۆ گەلی خۆم هەر دەخوێنم

ئەوا تۆ دەڕۆی من جێگام کوێ بێ
کێ بگرم بە یار شێوەی لە تۆ بێ
ئەی خودا لەو ئاگر بارانە
یار بە بێ تۆ ماڵم وێرانە

هەر چەند دەکەم ڕاو و ڕایە
گەوهەرم کەوتە دەریایە
بە سەد غەواس بۆم دەر نایە
ئەی خودا ڕێگاکەم هەورازە هەورازە
یارەکەم لەو ماڵە بێ نازە بێ نازە

قەڵای هەولێر شوێنی کۆنە
لێ دەخوێنن سەکر و سۆنە
ئاخو یارم لەوێ کەیفی چۆنە
ئەی خودا ڕێگاکەم هەورازە هەورازە
یارەکەم لەو ماڵە بێ نازە بێ نازە

هەر چەند دەکەم بیر و ئەندێش
تەوەلا بووم لە قەوم و خوێش
لە دوای یارم بووم بە دەروێش
ئەی خودا لەو ئاگر بارانە
یار بە بێ تۆ ماڵم وێرانە

Minîş ey bulbulî şeyda wekû tom
Weha dûrim le hêlane û gulî xom
Minîş wek to le kîsim çû gulî sûr
Minîş hêlanekem lê kirawe xapûr
Heta dujmin nagewzênim dexwênim
Dexwênim bo gelî xom her dexwênim

Ewa to deroy min cêgam kwê bê
Kê bigrim be yar şêwey le to bê
Ey xuda lew agir barane
Yar be bê to malim wêrane

Her çend dekem raw û raye
Gewherim kewte deryaye
Be sed xewas bom der naye
Ey xuda rêgakem hewraze hewraze
Yarekem lew male bê naze bê naze

Qelay Hewlêr şwênî kone
Lê dexwênin sekir û sone
Axu yarim lewê keyfî çone
Ey xuda rêgakem hewraze hewraze
Yarekem lew male bê naze bê naze

Her çend dekem bîr û endêş
Tewela bûm le qewm û xwêş
Le dway yarim bûm be derwêş
Ey xuda lew agir barane
Yar be bê to malm wêrane