site loader
Song image

ئاگرەسوورە(ژیلەمۆ)

By - نەجمەدین غوڵامی Necmedîn Xulamî

من پشکۆیێک لەو ئاگرەم کە ئاسنیش ئەتاوێنێ
من دڵۆپێک لەو بارانەم کە دەریایەک بەدی دێنێ
من شەماڵم ئەو شەماڵەی پڕ لە شنەی بەسۆز و تاو
دەمەو بەهار بەفری داگیرکەری وڵات ئەکەم بە ئاو
من ژیلەمۆم ئەو ژیلەمۆی دوای هەزاران ئاولێپژان
دیسانەوە گڕ دەهاوێم ئەیڵێمەوە گۆرانی ژیان

کاتێ ساوای باوک کوژراو فرمێسک ئەڕژێنێ بە تاسە
من بەسۆزتر لەو ئەسرینەم بەقینترم لەو هەناسە
من باوەڕم بوومەلەرزەم دڵی زەوی دەلەرزێنم
کێو و تەلان لە بن دێنم هەموو جیهان دەهەژێنم
من ڕووناکی ئاسۆی ژینم وەک تاو هەڵدێم بۆ ژێردەستان
من شۆڕشم ئاگرەسوورەم ئاگرە سوورەکەی کوردستان

Min pişkoyêk lew agirem ke asinîş etawênê
Min dilopêk lew baranem ke deryayek bedî dênê
Min şemalim ew şemaley pir le şiney besoz û taw
Demew behar befrî dagîrkerî wilat ekem be aw
Min jîlemom ew jîlemoy dway hezaran awlêpijan
Dîsanewe gir dehawêm eylêmewe goranî jiyan

Katê saway bawik kujraw firmêsk erjênê be tase
Min besoztir lew esrînem beqîntirim lew henase
Min bawerim bûmelerzem dilî zewî delerzênim
Kêw û telan le bin dênim hemû cîhan dehejênim
Min rûnakî asoy jînim wek taw heldêm bo jêrdestan
Min şorişim agresûrem agire sûrekey Kurdistan

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *