بریا سەوزەگیای بەهار بووام ئێواران پێش ڕۆژئاوا
ئەو کچە جوانە بەرخۆڵانە لەسەرم ڕاکشابوا
بریا من سروەی بەیان بووام لێوی تۆم فێنک دەکرد
بریا من هەوای ئاسمان بووام خۆم بە ناو دەمتا دەکرد
بریا من ئاوی ڕووبار بووام دەمشت لەش و لاری تۆ
بریا من سوخمە و شەڵوار بووام دەممژت جێی هەستیاری تۆ
بریا من ئاوێنە بووام خۆت دەگۆڕی لەبەر چاوما
جەستەی جوانت هەڵدەگیرا لە ناو هەست و هەناوما

بریا من پەڕەسێلکە بووام لە بنمیچی ماڵی تۆ
هێلانەی خۆم دادەبەستا چاو لە دانەی خاڵی تۆ
شەو و ڕۆژ تەوافم دەبوو بە دەوری بەژن و باڵات
ساڵانە دوو حەجم دەبوو لە ماڵی خوا و ماڵی تۆ
بۆ ئەم خەونە مەخمەڵیانەم بۆ لێم نابن بە ڕاستی
تا ئەو مەمک و سمت و ڕانەم بگوشیبایە بە دەستی
بۆ ژیان هێندە بە غەمە بۆچی یەک خۆشیم نەدی
خۆ هیوای من سادە و کەمە دەبا جارێ بێتە دی