چنار و لەولاو سەریان بوو بە گیر ئامۆزا گیان
من بۆچی دەگریم بە چیم دەکەن ژیر ئامۆزا گیان
ئامۆزا تۆ باڵابەرزی ئەی هاوار تۆ بۆ من فەرزی
ئامۆزا زۆرم پێ تەرزی ئەی هاوار گشت گیانم لەرزی

با بچینە سەر وەیس بپاڕینەوە ئامۆزا گیان
خەرمانێگ لە غەم بماڵینەوە ئامۆزا گیان
ئامۆزا لەوبەری چۆمی ئەی هاوار جیرانی خۆمی
ئامۆزا تۆ باڵابەرزی ئەی هاوار تۆ بۆ من فەرزی

گەردەنبەنەکەی مەتای گرانبار ئامۆزا گیان
شۆڕابەی سینگی لە عالەم دیار ئامۆزا گیان
ئامۆزا لەو باڵاخانە ئەی هاوار خاڵ دانە دانە

ساڵەکەی ئەوساڵ بە زەهری مار بێ ئامۆزا گیان
هەمووی بە قوربان ڕۆژێکی پار بێ ئامۆزا گیان
ئامۆزا لەوبەری چۆمی ئەی هاوار جیرانی خۆمی
ئامۆزا تۆ باڵابەرزی ئەی هاوار تۆ بۆ من فەرزی

دەشتی پشت قەڵا ڕازاوە بە گوڵ ئامۆزا گیان
ئەتۆم خۆش دەوێ بە گیان و بە دڵ ئامۆزا گیان
ئامۆزا لەوبەری چۆمی ئەی هاوار جیرانی خۆمی
ئامۆزا تۆ باڵابەرزی ئەی هاوار تۆ بۆ من فەرزی