چاومەستە دەهەستە بێرە لام غونچە گوڵم
ماچم دەیە بمدوێنە مەشکێنە دڵم
لەم دەفری مەیەت کاسەیەکم بۆ تێکە
تا نەبوە بە دەفر و کاسە و گۆزە گڵم
ئەم جارە پەڵاسی شەرم و دین پارە دەکەن
ئەم دەردی ھەژاریەم بە مەی چارە دەکەم
سێ بەردە دەنێمە مشتی بیری پیرم
كیژی رەزی رووسوری ترێ مارە دەکەم

#گـــۆرانـــی
بەرانبەرم دامەنیشە
جەرگت دەرهێنام لە ڕیشە
ئەو دەردەی لە تۆوە لە منیشە
هەی ئاغە و ئاغە و ئاغە
سینگت پیاڵە و پەرداغە
بۆم تێکە لەو قوناغە

مانگ لە ئاسمان یەک و سێیە
لەسەر سینەی ئەلف و بێیە
نەم خویندووە و دەرسم پێیە
هەی ئاغە و ئاغە و ئاغە
سینگت پیاڵە و پەرداغە
بۆم تێکە لەو قونیاغە

#مــەقـــام
مەی‌گێڕ وەرەوە بەرماڵ و جبەی دەفرووشم
ڕیشم لە گێرەو دادنم و وەشەی دەفرووشم
تەزبێحی دەستم داری فێڵ بازانە
هەرکەس دەیەوێ بە چوڕێ مەی دەفرووشم

#گـــۆرانـــی
بەرانبەرم ڕاوستاوە
وێنەی مانگ خەرمانەی داوە
جەرگ و دڵم بۆی سووتاوە
هەی ئاغە و ئاغە
سینگت پیاڵە و پەرداعە
بۆم تێکه لەو قونیاغە

دانیشتووە لەسەر کوورسی
نوقتە بە نوقتە ده‌ینووسی
کێ حاکم بوو کێ دەیپرسی
هەی ئاغە و ئاغە
بۆم تێکە جەرگم داغە
سینگی پیاڵە و پەرداغە
بۆم تێکە لەو قونیاغە

Çawmeste deheste bêre lam xunçe gulim
Maçim deye bimdwêne meşkêne dilim
Lem defrî meyet kaseyekim bo têke
Ta nebwe be defr û kase û goze gilim
Em care pelasî şerm û dîn pare deken
Em derdî hejaryem be mey çare dekem
Sê berde denême miştî bîrî pîrim
Kîjî rezî rûsurî tirê mare dekem

#goranî
Beranberim damenîşe
Cergit derhênam le rîşe
Ew derdey le towe le minîşe
Hey axe û axe û axe
Sîngit piyale û perdaxe
Bom têke lew qunaxe

Mang le asman yek û sêye
Leser sîney elf û bêye
Nem xuyinduwe û dersim pêye
Hey axe û axe û axe
Sîngit piyale û perdaxe
Bom têke lew qunyaxe

#meqam
Meygêr werewe bermal û cibey defrûşim
Rîşim le gêrew dadnim û weşey defrûşim
Tezbêhî destim darî fêl bazane
Herkes deyewê be çurê mey defrûşim

#goranî
Beranberim rawistawe
Wêney mang xermaney dawe
Cerg û dilim boy sûtawe
Hey axe û axe
Sîngit piyale û perdaxe
Bom têke lew qunyaxe

Danîştuwe leser kûrsî
Nuqte be nuqte deynûsî
Kê hakim bû kê deypirsî
Hey axe û axe
Bom têke cergim daxe
Sîngî piyale û perdaxe
Bom têke lew qunyaxe