site loader
Song image

ئارەزووی فڕین

By - فرمێسک حافز Firmêsk Hafiz

ژین بە یەخسیری و دیلی بێ کەڵکە
بۆیە لەمێژە لە ژینم تێرم
گوزەران بۆ من لەناو ئەم خەڵکە
سەختە، ناخۆشە، چۆنی ڕابوێرم

ھێزم لێ بڕا تاکەی دەربەرم
لەناو مەینەت و دەردی سەرزەمین
ئەوە بەینێکە کەوتۆتە سەرم
بیری ئازادی و ئارەزووی فڕین

بەڵام گیانەکەم نیمە باڵ و پەڕ
کە بفڕم، بڕۆم خۆم بدەم نەجات
بچمە شوێنێکی لێی نەبێ بەدفەڕ
لەباوەش بگرم نۆبووکی ئاوات

نانا ھەورەڕەش! ئەوڕۆ نەوی بە
لەو بەرزانەوە وەرە بەرەو خوار
کەم کەمە وەرە ڕێکی زەوی بە
لەسەر پشتی خۆت ئەمن بکە سوار

ئەوجار ھەستەوە بڕۆ بەرەو ژوور
مەوێستە ھەتا تەشکی ئاسمان
بمبەرە نیزیک ئاسۆی جوان و سوور
نەجاتم بدە لە کاولی خەمان

ئەی سروە باکەی بەیانی! وەرە
بە شنەشن و پشووی خۆت توندکە
لەسەر ئەو دونیا نەویەم لابەرە
ھەتا دەتوانی ئەمن بڵند کە

jîn be yexsîrî û dîlî bê kelke
Boye lemêje le jînim têrim
Guzeran bo min lenaw em xelke
Sexte, naxoşe, çonî rabwêrim

Hêzim lê bira ta key derberim
Le naw meynet û derdî serzemîn
Ewe beynêke kewtote serim
Bîrî azadî û arezûy firîn

Belam giyanekem nîme bal û per
Ke bifirim, birom xom bidem necat
Biçme şwênêkî lêy nebê bedfer
Le baweş bigrim nobûkî awat

Nana hewrereş! Ewro newî be
Lew berzanewe were berew xwar
Kem keme were rêkî zewî be
Leser piştî xot emin bike swar

Ewcar hestewe biro berew jûr
Mewêste heta teşkî asman
Bimbere nîzîk asoy ciwan û sûr
Necatim bide le kawlî xeman

Ey sirwe bakey beyanî! Were
Be şineşin û pişûy xot tundke
Leser ew dunya newyem labere
Heta detwanî emin blind ke

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Similar Tracks