ئارۆ ڕام کە‌وتە‌ن کۆنە‌ەە‌واران
دماو باڵاکە‌ت شادیم نە‌ویاران
شادیم نە‌مە‌نە‌ن غە‌یر جە‌ باڵاو تۆ
پاسە‌ دیارا کە‌ریم ڕە‌نجە‌ڕۆ
شە‌وگارم شە‌ق کە‌رد بە‌ شە‌ونشینی
ڕە‌نجم بی ڕە‌نجو فە‌رەادو چینی
ەیچ پێسە‌ مە‌بۆ شە‌رتە‌کە‌ی دڵداری
تۆ بە‌ عە‌یش و نۆش من بە‌ غە‌مباری
سپای غە‌م وە‌ی تە‌ور ەجووم ئاوە‌ردە‌ن
قافڵە‌کە‌ی فامش بە‌ تاراج بە‌ردە‌ن
شە‌رت بۆ جە‌ داخو کە‌مشە‌رتی تۆوە‌
گوڵانی بە‌ەار نە‌کە‌م وە‌ بۆوە‌
کە‌ی خوا بە‌ردارە‌ن غە‌رقم کە‌ی لە‌ غە‌م
مە‌یلە‌کێم بە‌رێ یان زۆر و یان کە‌م
تاکە‌ی بنیشوو لە‌سای دیواران
زە‌نجیر لە‌گە‌ردە‌ن چوون گوناباران
زە‌نجیری مە‌ینە‌ت نیشتە‌ن گە‌ردە‌نم
ەە‌ر با زڕە‌ش بێ تا ڕۆی مە‌ردە‌نم
شە‌رت بێ لە‌ دوای تۆ ەە‌رگیز ناز نە‌کە‌م
یە‌خە‌ی دڵە‌کە‌م بۆ کە‌س باز ناکە‌م
دە‌سم لێ مە‌دە‌ با ەە‌ر مە‌جنوون بم
ەە‌ر با زامزە‌دە‌ی دە‌سی گە‌ردوون بم
نە‌زانام گە‌ردوون مەینەت مدۆ پێم
کە‌رۆم ناەومێ لە‌ ئاواتی وێم
جە‌ سە‌ربە‌نە‌نان مە‌گیڵوو پە‌ی تۆ
دیدە‌م ەە‌ردوو; گیانم فیدات بۆ

Aro ram kewten konehewaran
Dimaw balaket şadîm newyaran
Şadîm nemenen xeyr ce balaw to
Pase diyara kerîm rencero
Şewgarim şeq kerd be şewnişînî
Rencim bî rencu ferhadu çînî
Hîç pêse mebo şertekey dildarî
To be eyş û noş min be xembarî
Sipay xem wey tewr hcûm awerden
Qafilekey famiş be tarac berden
Şert bo ce daxu kemşertî towe
Gulanî behar nekem we bowe
Key xwa berdaren xerqim key le xem
Meylekêm berê yan zor û yan kem
Takey binîşû lesay dîwaran
Zencîr legerden çûn gunabaran
Zencîrî meynet nîşten gerdenim
Her ba zireş bê ta roy merdenim
Şerit bê le dway to hergîz naz nekem
Yexey dilekem bo kes baz nakem
Desim lê mede ba her mecnûn bim
Her ba zamzedey desî gerdûn bim
Nezanam gerdûn meynet mido pêm
Kerom nahumê le awatî wêm
Ce serbenenan megîlû pey to
Dîdem herdû; giyanim fîdat bo