site loader
site loader
Song image
ئەترسم بمرم و کەویار – فواد ئەحمەد

By - فواد ئەحمەد Fwad Ehmed

خوایە کەس وەک من تووشی دەرد نەکەی

گیرۆدەی ئاخ و ئاهی سەرد نەکەی

ئەی داد لەخۆم ئای

ئەترسێم بمرم لە فیراقی لەیل

بۆ حاڵم بگرێ ئەستێرەی سیوەیل

ئەترسێم بمرم لە فیراقی یار

بۆ حاڵم بگرێ ببمە خۆراکی مشک و مێرو و مار

یاران گەر هات و لە وەتەن مردم

خوا دڵشکاو و ناشادی کردم

تەمەنام لە تۆ ئەمەیە خوایە

لە پاش کۆچکردن لەم سەر دونیایە

بمکەی بە مەلێ بێمەوە دونیا

هێلانە بکەم لە یانەی لەیلا

کەویارێ کەویار کەویارێ جوانی

بەقوربانی تۆی دەکەم وەی کچ خاڵ و مامم

شێتان شێت دەبوون دەچنە میری سوور

خۆ من شێتی تۆمە گیانە بە خوا و بە ڕەسول

ئەچمە سولەیمانی گۆیژەم لێ دیارە

سەرخەو ئەشکێنم گیانەکەم تۆم لە خەیاڵە

کۆپی کردن بێ ئاماژەدان بە سەرچاوە قەدەغەیە
More
Song image
ئەمیرەکەم – فواد ئەحمەد و گوڵبەهار

By - فواد ئەحمەد Fwad Ehmed

ئەمیرەکەم دڵگیرەکەم
بەهارت لێ شەرمەزارە
گوڵی گیانە یەخسیرەکەم
تیرت لە دڵ سەد هەزارە

تۆ لە دووری من لە دوورم
بەمجۆرە خۆشە دڵداری
ناچار لە ئەشکم ئەبوورم
بێ گرین بۆشە دڵداری
ئەمیرەکەم دڵگیرەکەم
بەهارت لێ شەرمەزارە
گوڵی گیانە یەخسیرەکەم
تیرت لە دڵ سەد هەزارە

مەڕەنجێنە مەفەوتێنە
کاتی خەندە و پێکەنینە
پەڕ و باڵم مەسووتێنە
گڕی دڵداری بە تینە
ئەمیرەکەم دڵگیرەکەم
بەهارت لێ شەرمەزارە
گوڵی گیانە یەخسیرەکەم
تیرت لە دڵ سەد هەزارە

چاوی مەستت گەلاوێژن
کوڵمەکانت قەندی شیرین
مژە و ئەبرۆت تیرهاوێژن
لەبت خونچەی گوڵی ڕەنگین
ئەمیرەکەم دڵگیرەکەم
بەهارت لێ شەرمەزارە
گوڵی گیانە یەخسیرەکەم
تیرت لە دڵ سەد هەزارە

کۆپی کردن بێ ئاماژەدان بە سەرچاوە قەدەغەیە
More
Song image
پیری موغان – نەجمەدین غوڵامی

By - نەجمەدین غوڵامی Necmedîn Xulamî

لە دەوری پیری مەیخانە سەدایی موتریبان با بێ

لە تاریکی شەوی هیجران چرای دەفعی خەمان با بێ

لە ناو بەزمی حەریفانا لە زومرەی بەزمی ڕندانا

لە ناڵینی غەریبانا دەوای دەردی دڵان با بێ

لە بەر ناڵەی حەزینی من لە بەر شین و گرینی من

لە بەر دەردی برینی من نەسیمی هەم زەبان با بێ

غوڵامی سەروی باڵاتم ئەسیری زولفی تاتاتم

شەهیدی چاوی شەهلاتم قڕانی ئاشقان با بێ

لە هیجرانی خەزان تا کەی بە ئومیدی گوڵان تا کەی

لە نەغمەی بوڵبوڵان تا کەی دەبا فەسڵی گوڵان با بێ

زەمانە بەزمی ڕندانە بدە ساقی بە پەیمانە

لە بەر تەعزیمی مەیخانە بڵێن پیری موغان با بێ

نەماوە حاڵەت و ژینم لە دەس چوو ڕۆحی شیرینم

ڕەفێقان بێن بکەن شینم سەدای گریە و فوغان با بێ

کە ئاشق قوڕبەسەر ماوە سەراپا غەرقی خوێناوە

ئەڵێن دووبارە کوژراوە تەبیبی حاڵزان با بێ

کۆپی کردن بێ ئاماژەدان بە سەرچاوە قەدەغەیە
More
Song image
قەحبەن ئەوانەی پێم دەڵێن – حەسەن زیافەتی

By - حەسەن زیافەتی

هاوار هاوار هاوار
هەر من ڕەنجەڕۆوە خۆم
سەدان ساڵە
لە وێرانەماڵی خۆمدا
کتکەکوێرەی گۆشەی متبەقی سوڵتانم
سەدان ساڵە
حەوشوبەرەی خۆم واڵایە و
لە بەر دەرکەی دزانی خۆم پاسەوانم
هەر من ڕەنجەڕۆوە خۆم

سەدان ساڵە
وەکوو چنگێک دانەوێڵە
ئاشی مێژوو فڕێی داوم
هەر چوار دەورم شارۆچکەیە و
مێروولە دەمیان تێ ناوم
هەر من ڕەنجەڕۆوە خۆم

من پشتێکی بریندارم
لە قامچیی خۆم ڕاپەڕیوم
من لافاوێکی لاسارم
لەو کەنارانە هەڵساوم
کە تەنگیان پێ هەڵچنیوم
نانیشمەوە، نانوومەوە
بێ ئارامم
ئارامی من چرایەک بوو
ڕەشەبای دەورم خوێنی ڕشت
بێبەزەییم
بەزەییی من زەریایەک بوو
بینیان پێوەنا و هەڵیانمشت

خوێڕین ئەوانەی پێم دەڵێن:
دان و مێروو برای یەکن
خوێڕین ئەوانەی پێم دەڵێن:
خوێن و زەروو برای یەکن
خوێڕین ئەوانەی پێم دەڵێن:
ماسی و چەنگاڵ
مشک و جەواڵ
دەست و چزوو برای یەکن
قەحبەن ئەوانەی پێم دەڵێن
پەت و گەردن
گوێزان و موو برای یەکن

وەرن خەڵکە!
لە نەچیر و زام بپرسن
بڵێن توخودا
خەنجەر هەیە زام تیمار کا؟
ڕاوچی هەیە نەچیر نەخوا؟
دە خەڵکە لە کا بپرسن
قەت ئاگری ساردی دیوە؟
لە هێلانەی مەل بپرسن
بەنیازی ماچ
قەت مار دەمی تێ ژەنیوە!؟
دە لە داربەڕوو بپرسن
تەوری دیوە داربڕ نەبێ؟
دە لە کەرێکیش بپرسن
گورگی دیوە کەردڕ نەبێ!؟

قەحبەن ئەوانەی پێم دەڵێن:
تەوری برای داریش هەیە
قەحبەن ئەوانەی پێم دەڵێن:
ماری شیرین ژاریش هەیە

ساڵەهایە ساڵەهایە
تەونی درۆ هەڵدەبەستن کۆسەکانی ئەم دنیایە
ساڵەهایە بەقەد ئەسپێی نیفۆکانمان بەقەد ڕشکی تووکەسەرمان
هەوری بەڵێن بەم خاکەدا تێدەپەڕێ و دڵۆپە بارانێ نایە
ساڵەهایە
بن زمانیان
هەزار و یەک زوڕنای تیایە
گوێتان بگرن تێ نەکەون
پەیژەکەیان
دەندەی ڕووتی برسییەکانە
وریای سەربانەکانتان بن سەرنەکەون

کۆپی کردن بێ ئاماژەدان بە سەرچاوە قەدەغەیە
More