site loader
site loader
Song image
ئەگەر ئەمجارە بێمەوە

By - حەسەن زیافەتی

ئەگەر ئەمجارە بێمەوە
بەیانییان وەک بەرخۆلەیەکی ساوا
لەناو قەرسیلی پاراوا
تل دەخۆم و گیایەکی تفت تێرتێر دەجووم
تا کفت دەبم پێ و بەلەکم
لە شەونمی سارد هەڵدەسووم
ئەگەر ئەمجارە بێمەوە

ئەگەر ئەمجارە بێمەوە
وەک پەلەورێکی نەوی
بەسەر کێڵگە سەوزەکانا دەخولێمەوە
وەک شەنگەبی بەسەر چەم
و منارەکانی کەنارا شۆڕ ئەبمەوە
ئەگەر ئەمجارە بێمەوە

ئەگەر ئەمجارە بێمەوە
سەرنج دەدەم
گوڵەگەنم چۆن زەرد دەبێ
هەنار و سێو چۆن پێ دەگەن
قەتێیەکان
هێلانەیان چۆن چێ دەکەن

سەرنج دەدەم
زەڕنەقووتە چۆن باڵ دەگرێ
پەڕەسێلکە کۆچەرەکان
لەسەر تێلی کارەبای ڕێ چۆن ڕیز دەبن
جۆگەلەکان لە کوێوە دێن بۆ کوێ دەچن

ئەگەر ئەمجارە بێمەوە
لە گۆی مەمکی هەر کانییەک
قومەئاوێک دەخۆمەوە
گشتیان ئەکەم بە دایکی خۆم
لە هەر ئەشکەوتێکا شەوێک
سەر بە گاشەبەردێک دەکەم
گشتیان ئەکەم بە لانکی خۆم
ئەگەر ئەمجارە بێمەوە

ئەگەر ئەمجارە بێمەوە
زمانی گڕ دەهێنمەوە بۆ لاڵەکان
شاپەڕی گڕ دەهێنمەوە بۆ فڕندە بێباڵەکان
ئەگەر ئەمجارە بێمەوە

ئەگەر ئەمجارە بێمەوە
ناهێڵم لاوان گوڵ بچنن
بۆ گوڵدانی مردووی سەر مێز
فێریان دەکەم کە چوونە ژوان
لە بەرۆکی کچانی دەن
پێش ئەوەی بیانگرنە ئامێز
ئەگەر ئەمجارە بێمەوە
ئەگەر ئەمجارە بێمەوە
زۆر جۆلانەی نەرم و سادە
بۆ مناڵان هەڵدەبەستم
جەژنی لە دایکبوونیانە
کە نییانە!
بەشدار دەبم
لەباتی مۆم دادەگیرسێنم ئەنگوستم
گڕ بەردەدەم
لە گلێنەی چاوەکانم
لە ساواترین هەڵبەستم
ئەگەر ئەمجارە بێمەوە

ئەگەر ئەمجارە بێمەوە
هەر بێشکەیێکم بێتە ڕێ بە شێنەیی
بە سەریا دەنووشتێمەوە بە شێنەیی

Eger emcare bêmewe
Beyanîyan wek berxoleyekî sawa
Lenaw qersîlî parawa
Til dexom û giyayekî tift têrtêr decûm
Ta kift debim pê û belekim
Le şewnimî sard heldesûm
Eger emcare bêmewe

Eger emcare bêmewe
Wek pelewirêkî newî
Beser kêlge sewzekana dexulêmewe
Wek şengebî beser çem
Û minarekanî kenara şor ebmewe
Eger emcare bêmewe

Eger emcare bêmewe
Serinc dedem
Gulegenim çon zerd debê
Henar û sêw çon pê degen
Qetêyekan
Hêlaneyan çon çê deken

Serinc dedem
Zerneqûte çon bal degrê
Peresêlke koçerekan
Leser têlî karebay rê çon rîz debin
Cogelekan le kwêwe dên bo kwê deçin

Eger emcare bêmewe
Le goy memkî her kanîyek
Qumeawêk dexomewe
Giştyan ekem be daykî xom
Le her eşkewtêka şewêk
Ser be gaşeberdêk dekem
Giştyan ekem be lankî xom
Eger emcare bêmewe

Eger emcare bêmewe
Zimanî gir dehênmewe bo lalekan
Şaperî gir dehênmewe bo firinde bêbalekan
Eger emcare bêmewe

Eger emcare bêmewe
Nahêlim lawan gul biçnin
Bo guldanî mirdûy ser mêz
Fêryan dekem ke çûne jwan
Le berokî kiçanî den
Pêş ewey biyangirne amêz
Eger emcare bêmewe
Eger emcare bêmewe
Zor colaney nerm û sade
Bo minalan heldebestim
Cejnî le daykbûnyane
Ke nîyane!
Beşdar debim
Lebatî mom dadegîrsênim engustim
Gir berdedem
Le gilêney çawekanim
Le sawatirîn helbestim
Eger emcare bêmewe

Eger emcare bêmewe
Her bêşkeyêkim bête rê be şêneyî
Be serya denûştêmewe be şêneyî

کۆپی کردن بێ ئاماژەدان بە سەرچاوە قەدەغەیە
More
Song image
دێموکراسی

By - هانی موجتەهیدی

دێموکراسی تۆ دەنگ مەکە دنیات بە دەنگ ڕەنگ کردووە
لە ژێر کارخانەی چەک سازی لەوێ منداڵێ خەوتووە

سەرۆکەکان هیچێ مەڵێن ئێوەن دونیاتان خواردووە
لە بن گرمەی پوتین ئێوە لەوێ منداڵێ خەوتووە

دیندارەکان دەنگێ مەکەن دینی باشتان فرۆشتووە
لە بەین شەڕی خوداکاندا لەوێ منداڵێ خەوتووە

بڕیا پلانی ئەم دونیا منداڵێک دایبڕشتایا
نە چەک نە دین نە هالیوود هیچ نەقشێکی تێ نەبوایا

خەجاڵەت ناکێشی دونیا ئەوەی ئینسانیەت مردووە
سیاسەتوان ئیمزا مەدە لەوێ منداڵێ خەوتووە

بێتامترین قسەی دونیا باسی دێموکراسی ئەکا
جەنگی هێز و دەنگی بۆمبێ خەونی منداڵی کوشتووە
دیندارەکان دەنگێ مەکەن دینی باشتان فرۆشتووە
لە بەین شەڕی خوداکاندا لەوێ منداڵێ خەوتووە

بڕیا پلانی ئەم دونیا منداڵێک دایبڕشتایا
نە چەک نە دین نە هالیوود هیچ نەقشێکی تێ نەبوایا
خەجاڵەت ناکێشی دونیا ئەڵێی ئینسانیەت مردووە
سیاسەتوان ئیمزا مەدە لەوێ منداڵێ خەوتووە

Dêmukrasî to deng meke dinyat be deng reng kirduwe
Le jêr karxaney çek sazî lewê mindalê xewtuwe

Serokekan hîçê melên êwen dunyatan xwarduwe
Le bin girmey putîn êwe lewê mindalê xewtuwe

Dîndarekan dengê meken dînî baştan firoştuwe
Le beyn şerî xudakanda lewê mindalê xewtuwe

Birya pilanî em dunya mindalêk daybiriştaya
Ne çek ne dîn ne halîwûd hîç neqşêkî tê nebwaya

Xecalet nakêşî dunya ewey însanyet mirduwe
Siyasetwan îmza mede lewê mindalê xewtuwe

Bêtamtirîn qisey dunya basî dêmukrasî eka
Cengî hêz û dengî bombê xewnî mindalî kuştuwe
Dîndarekan dengê meken dînî baştan firoştuwe
Le beyn şerî xudakanda lewê mindalê xewtuwe

Birya pilanî em dunya mindalêk daybriştaya
Ne çek ne dîn ne halîwûd hîç neqşêkî tê nebwaya
Xecalet nakêşî dunya elêy însanyet mirduwe
Siyasetwan îmza mede lewê mindalê xewtuwe

کۆپی کردن بێ ئاماژەدان بە سەرچاوە قەدەغەیە
More