site loader
site loader
Song image
خاڵۆ ڕێبوار

By - کازم باشماخی

ئیتر خواحافز دڵداری تەواو
بۆ درگای ماڵت ناکەم چاوەچاو
خاڵۆ ڕێبوار ڕێم لە بەر ناچێ
سووتام و برژام بۆ تەنیا ماچێ

ئیتر تەمەنام بە باڵای کێ بێ
بە کێیا بڕوانم شێوەی تۆی لێ بێ
خاڵۆ ڕێبوار ڕێگا نازانم
ڕێم پێ نیشان بە لای تۆ مێوانم
من وێڵ و وەیلان قەڵاچوارلانم

ماڵ وێرانیمە بۆ دیدەن دڵدار
تاجی گڵ و قوڕ نیشتووە بانی سەر
سەد و شەش ڕەگ و هەشتسەد سووقانم
گریە و ڕۆیانە بۆ مەرگی گیانم
خاڵۆ ڕێبوار ڕێگا نازانم
ڕێم پێ نیشان بە لای تۆ مێوانم
من وێڵ و وەیلان بەر ماڵ خۆتانم

هەڵبگرە بڕنەو بیدە لە جەرگم
ئەوسا بیخوێنە یاسینی مەرگم
حەیفە کڵاشینکۆف بیفرۆشی بۆ پووڵ
دوژمن ڕاو ئەنێ لە کێو و لە دۆڵ
خاڵۆ ڕێبوار ڕێم لە بەر ناچێ
ئاورم تێ بەر بوو بۆ تەنیا ماچێ

حەیفە کڵاشینکۆف بیفرۆشی بۆ ژن
چۆن ڕەگبار ئەکا لە سینەی دوژمن
خۆ کڵاشینکۆف نیت بتکەم بە شانە
نەمایشی(ت) بەم لەو خیابانە
وەک بڕنەو کۆتا شان بە شانت کەم
لە نیوەی شەوا دەس لەملانت کەم
خاڵۆ ڕێبوار ڕێم کەوتە دۆڵێ
تووشم هات لە تووش سخمە لە کۆڵێ
تووشم هات لە تووش باوان کوڵۆڵێ

Îtir xwahafiz dildarî tewaw
Bo dirgay malit nakem çaweçaw
Xalo rêbwar rêm le ber naçê
Sûtam û birjam bo tenya maçê

Îtir temenam be balay kê bê
Be kêya birwanim şêwey toy lê bê
Xalo rêbwar rêga nazanim
Rêm pê nîşan be lay to mêwanim
Min wêl û weylan Qelaçwarlanim

Mal wêranîme bo dîden dildar
Tacî gil û qur nîştuwe banî ser
Sed û şeş reg û heştsed sûqanim
Girye û royane bo mergî giyanim
Xalo rêbwar rêga nazanim
Rêm pê nîşan be lay to mêwanim
Min wêl û weylan ber mal xotanim

Helbigre birnew bîde le cergim
Ewsa bîxwêne yasînî mergim
Heyfe klaşînkof bîfroşî bo pûl
Dujmin raw enê le kêw û le dol
Xalo rêbwar rêm le ber naçê
Awirim tê ber bû bo tenya maçê

Heyfe klaşînkof bîfroşî bo jin
Çon regbar eka le sîney dujmin
Xo klaşînkof nît bitkem be şane
Nemayşit bem lew xiyabane
Wek birnew kota şan be şanit kem
Le nîwey şewa des lemilanit kem
Xalo rêbwar rêm kewte dolê
Tûşim hat le tûş sixme le kolê
Tûşim hat le tûş bawan kulolê

کۆپی کردن بێ ئاماژەدان بە سەرچاوە قەدەغەیە
More