کوردستان گەر تو نەبی لەنێوانی ئەو دوو وێنەیەدا هۆنراوەیەکم هەیە بیست و دوو ساڵ تەمەنیەتی، لەساڵی ١٩٩٢ بۆ دەربڕینی خۆشەویستیم بۆ نیشتیمان و پێکەوە گرێدانی زاراوەکانی زمانی شیرینی کوردی ئەم ئاواز و هۆنراوەیەم دانا بەئاگاداریی ئەم هاوڕێ هونەرمەندە بەڕێزانە، کاک گۆران کامیل و کاک نەریمان کەریم و کاک ئامانج یەحیا و کاک محەمەد عومەر دهۆکی کە خەڵكی دەڤەری بادینانە ئەرکی وەرگێڕانی هۆنراوەکەی بۆ زاراوەی کرمانجیی ژوروو خستە ئەستۆی خۆی، من بەسۆرانی ڕستەکانم ئەهۆنیەوە و ئەو هاوڕێیەم ئەیکرد بە بادینی، ئەوکاتە لەنێوانی من و هاوڕێم کاک محمد عومەر دهۆکی دودڵ بووم لەوەی کە ئایا هۆنراوەکە بەناوی کاممانەوە بێ، چوونکە هۆنراوەکە من دامنابوو بەڵام من کرمانجی نازانم وە کاک محەمەد عومەریش کە وەریگڕابوو ئەو شاعیر نییە، بەڵام ئەمە مانای ئەوە نییە کە یەکێک لەدەرەوەی ئەم چیرۆکە بێت و خۆی بکات بە خاوەنی، یەکەم جار کە کلیپمان بۆکرد ناوی شاعیرمان نەنووسی نەمن دڵم هات ناوی خۆم بنووسم نە ئەو، بەڵام ڕاستیی تایڵتەکە بەم شێوەیەیە کە هۆنراوەی منە و ئەو هاوڕیەم وەریگێڕاوە، بەم شێوەیە هۆنراوەکەمان دانا، داوی ئەوە هاتە سەر ئەوەی تۆماری بکەین، لە خانووەکەی ماڵی باوکم ژوورێکم کرد بە ستۆدیۆ بۆ ئەوەی کپ بت بە بزمار و چەکوش هەرچی بەتانیی ماڵەکە هەبوو هەموویم هەڵواسی بەدیوارەکانیدا و ئینجا تەسجیلێکی بەکرە و مۆنتاربۆ شکاوکمان پەیداکرد و کاک نەریمان کەریم گۆرانییەکەی بۆ تۆمارکردین، بە خۆشەویستیی گروپی موزیک کارەکەمان بە ئەنجام گەیاند، شایەنی باس و جێی ڕێزە کە ئەم هاوڕێ هونەرمەندە بەڕێزانە کاک خالید ڕەشید موزیکی پێشەکیی گۆرانییەکەی داناوە و ئامری باڵەبانی ژەنیوە، کاک ئاسۆ عەلی حەبیب ئامری سازی ژەنیوە، کاک کامەران عوسمان ئامری دەفی ژەنیوە، خۆشم ئامری سازم ژەنیوە، شایەنی باسە ئەم هونەرمەندە ئازیزانەی کە موزیکەکەیان ژەنیوە تەنها خۆشەویستی و هاوڕێیەتی کۆیکردبووینەوە پێکەوە، زۆربەی گۆرانییەکانم هۆنراوەی خۆمن، کوردستان گەر تو نەبی بەهێزترین هۆنراوەی من نییە کە تائێستا نووسیبێتم بەڵام لەبەرئەوەی ناوی کوردستانی تێدایە زۆرم خۆشم دەوێت و زۆر گەورەیە لەلام، خەریکە لە هەموو پارچەکانی کوردستان ئەبێتە گۆرانییەکی نەتەوەیی، زۆرکەس ئەم گۆرانییەیان وتۆتەوە بەبێ ئەوەی ئاماژە بەناوی خاوەنەکەی بکەن، بەئارەزووی خۆیان هەندێ لە وشەکانیان گۆڕیوە، یەکێک لەوانە خانمێکی سنەییە لە ئەمەریکا دائەنیشت، کە پرسیارم لێکرد بۆ ئەم گۆرانییەی بەو دەردە بردووە و ناوی خاوەنەکەشی نەنووسیوە، زۆر داوای لێبووردنی کرد و وتی گوایە بەهرۆز ناوێک کە خەڵکی سنەیە ساڵی ٢٠٠٢ لەکرماشان خۆی کردووە بەخاوەنی ئەم گۆرانییە و بەدیاری داویەتێ، ئینجا پورنازریەکان هاتوون ئەم گۆرانییەیان لێداوەتەوە کە هەر میلۆدیەکەی منە کەچی بەناوی یەکێک لە خۆیانەوە بڵاویان کردۆتەوە، هەروەها هەڤاڵانی باکووری کوردستان وتوویانەتەوە بەهیچ شێوەیەک ناوی خاوەنەکەیان نە‌هێناوە، لەم دواییانەدا هونەرمەند شەهرام نازری ئەم گۆرانییەی وتەوە، ئاخۆ ئەگەر لێی بپرسن ئەم گۆرانیەت لەکوێ بوو؟ ئەب وەڵامەکەی چی بێت؟ ئەمانەش هەمووی لەلایەک لەم ڕۆژانەدا هاوڕێیەکی ئازیزی خۆم هاتبوو ئەیوت گوایە کوردستان گەر تو نەبی هۆنراوەی ئەوە، یەکەم جار وەمزانی سوعبەت ئەکات کەچی دوایی تێگەیشتم کە بەڕاستیەتی، زۆر سەیرە شتک سور بزانیت هی خۆت نییە و بەموڵکی خۆتی لە قەڵەم بەیت، من ئەتوانم لەسەر ئەم چیرۆکە زۆر شت بڵێم، بەڵام جارێ لێرەدا خاڵێک دادەنێم.
وەرگیراو لە فەیسبووکی هونەرمەند بەهجەت یەحیا
دەقی گۆرانی کوردستان گەر تو نەبی:
Kurdistan ger tu nebî teyrêkim bê asiman
Bi nave te yê pîroz serbilind im nav cîhan
Ez neşêm(nikarim) bê te bijîm dî xo(xwe) bo te kem qurban
Hoy hoy hoy hoy hoy birîndar im
Kurdistan ger tu nebî
Tu hêlîna şêranî hoy hoy hoy
Tu dayika şehîdanî hoy hoy hoy
Swênd(soz) bi befra çiya, Bi xak û axa geliya
Hoy hoy hoy hoy hoy birîndar im
Her xwîna xwe eşkid dibem ez qurbanê te bikim
(tenê canekî min heye, ez ê qurbanê te bikim)
Em hemî dest li nav dest hoy hoy hoy
daku bigeyne(bighîjîne) mebest hoy hoy hoy
Vê welatî ava keyîn çira azadiyê hil keyn
(em vê welatî ava bikin û çirayê azadiyê hilkin)
Hoy hoy hoy hoy hoy birîndar im
Kurdistan yek hêlîne ji bo me kurda jîne
کوردستان گه‌ر تۆ نه‌بی ته‌یره‌کم بێ ئاسمان
ب ناڤێ ته‌یێ پیرۆز سه‌ربلندم ل ناڤ جیهان
ئه‌ز نه‌شێم بێ ته بژیم دی خۆ بۆ ته که‌م قوربان
هۆی هۆی هۆی هۆی هۆی بریندارم
کوردستان گه‌ر تۆ نه‌بی
تو هێلینا شێرانی هۆی هۆی هۆی
تو دایکا شه‌هیدانی هۆی هۆی هۆی
سوێند بێ به به‌فرا چیا به خاک و ئاخا گه‌لیا
هۆی هۆی هۆی هۆی هۆی بریندارم
هه‌ر خینا خۆ ئە‌شکت به‌م ئه‌ز قوربانێ ته بکه‌م
ئه‌م هه‌می ده‌ست له ناڤ ده‌ست هۆی هۆی هۆی
داکوو بگه‌ینه مه‌به‌ست هۆی هۆی هۆی
ڤێ ولاتێ ئاڤا که‌ین چرا ئازادیێ هه‌ڵکه‌ین
هۆی هۆی هۆی هۆی هۆی بریندارم
کوردستان یه‌ک هێلینه ژ بۆ مه کوردا ژینه
